Un ano máis a web da Costa das Ondas experimenta cambios nos seus contidos, co fin de manter actualizada e completa a oferta do produto turístico surf do xeodestino Ferrolterra.
Como cada ano, ábrese unha nova oportunidade para a incorporación de novas entidades ou profesionais á marca, para pouco a pouco continuar medrando e consolidando un produto de calidade. O proceso de adhesión á Costa das Ondas continuará aberto os próximos días, podendo ocasionar incidencias na interacción coa web.
Do mesmo xeito, levarase a cabo un proceso de revisión dos datos aloxados na web, para poder manter actualizada a información da oferta da marca turística e incorporar posibles cambios.
Permanecede atentos/as ás novidades que se achegan á Costa das Ondas!